14- қараша дүниежүзілік қант диабетімен күрес күніне орай, Отбасылық медицина клиникасында “ Өзіңді диабетке тексер” атты акция өткізілді.

Шараның мақсаты- тұрғындардың арасында кездесуі мүмкін бұл ауруды ерте анықтау және анықталған жағдайда дер кезінде кеңес беру, маманға жолдау.

Қант диабеті- қазіргі таңда көп кездесетін аурулардың қатарында. Аурудың даму себептері: генетикалық бейімділік, көмірсулы тамақтарды өте көп тұтыну, дене қозғалысының болмауы, ұйқының дұрыс болмауы, сонымен бірге күйзелістік жағдайлардың болуы.

Әрине, қазіргі уақытта бұл айтылып отырған себептер көп адамда бар. Сондықтан ауруды ерте анықтап, дұрыс диагноз қойып, ем шаралар уакытында орындалар болса, оның асқынуларының алдын алуға болады.

Диабеттік асқынуларға: микро, және макротамырлық бұзылыстар, яғни нейропатия, ретинопатия, нефропатия, энцефалопатия, “диабеттік аяқ” жатады.

Бүгін біздің емханамызда 43 адамның қант деңгейі тексеріліп, оның үшеуінен қант диабеті, төрт адамнан предиабеттік жағдай анықталды.

Барлық қатысқан азаматтарға дұрыс тамақтану, салауатты өмір салтын қолдану туралы ақпараттар берілді.

        Қант диабетіне арналған апталық

10.11.2025г- 14.11.2025ж Отбасылық медицина клиникасында «Дүниежүзілік қант диабетімен күрес» апталығы өтуде.

Жыл сайын 14- қарашада атап өтілетін Дүниежүзілік қант диабеті күні (World Diabetes Day) 1991 жылы Халықаралық диабет федерациясы (International Diabetes Federation, IDF) және Дүниежүзілік денсаулық сақтау ұйымы (World Healthgganization) бүкіл әлемде қант диабеті ауруының өршу қаупіне жауап ретінде енгізілді.

Қант диабеті – ұйқы безі инсулинді жеткіліксіз өндіретін немесе дене өзі өндіретін инсулинді тиімді пайдалана алмайтын жағдайларда дамитын созылмалы ауру.

Қант даибеті дамуының негізгі қауіп факторларына: артық салмақтың болуы, дұрыс тамақтанбау, генетикалық бейімділік, қозғалыстың болмауы жатады.

Қант диабетімен диспансерлік есепте тұрған науқастар дәрігердің нұсқауларын орындамаған жағдайда қантамырларда, әртүрлі мүшелер мен жүйелерде асқыну дамуы мүмкін. Соның ішінде диабеттік нейропатия (жүйке жүйесінің бұзылыстары) өте көп кездеседі.

Осы орайда, 12- қараша күні біздің емханамыздың эндокринолог дәрігері Қалжанова М.Ж. Диабеттік нейропатия тақырыбына шеберлік класс өткізді, көптеген құнды ақпараттармен бөлісті. Шеберлік класында диабетпен ауыратын науқастарда нейропатияны анықтау үшін қолданылатын тексеру әдістері көрсетілді. Осындай асқынулар болмас үшін уақытында дәрігерге көрініп, қандағы қант, холестерин деңгейін қалыпты ұстап, дұрыс өмір салтын сақтау кажет.

14- қараша күні отбаылық медицина клиникасында сағат 9:00- 10:00с аралығында «Өзіңді диабетке тексер» акциясы өтеді. Бұл шараға аймақтық тұрғындарды шақырамыз. Қатысушы адамдардың қанындағы қант деңгейі өлшеніп, эндокринолог маманынан кеңес алады.

  Жаңалықтар апталығы

📌 Отбасылық медицина клиникасы | Жаңалықтар апталығы

Біздің клиникада * жатыр мойны қатерлі ісігі және трофобласттық аурулар* тақырыбына арналған жаңалықтар апталығы өтті.

👩‍⚕️ Спикер: гинеколог Таспенова Р. А.

Апталық аясында қаралды:

- Жатыр мойны ауруларының алдын алу

- Ерте диагностика мен скринингтің маңызы

- Пайдалы кеңестер мен ақпараттық материалдар

#ОтбасылықМедицинаКлиникасы #Гинекология #Денсаулық #Профилактика #ЖаңалықтарАпталығы

   📌 Отбасылық медицина клиникасы | Инсультке қарсы дүниежүзілік күн  

Бүгін біздің клиникада инсульттің алдын алу және ерте анықтау тақырыбында семинар өткізілді.  

👩‍⚕️ Семинардың спикері: Нұржанова Г. К.  

Семинарда қаралды:  

- Инсульттің себептері мен қауіп факторлары  

- Шұғыл әрекет ету қажет белгілер  

- Инсульт қаупін азайту үшін салауатты өмір салты  

💬 Пациенттерге пайдалы кеңестер беріліп, сұрақтарына жауаптар берілді.  

#ОтбасылықМедицинаКлиникасы #Инсульт #Профилактика #Денсаулық #ИнсультКүні

       «Ерлердің ұзақ өмір сүруі» жобасы – алғашқы нәтижелер бар

Отбасылық медицина клиникасы жанындағы Үздік тәжірибелер орталығының басты бағыттарының бірі – Жобаларды басқару орталығы. Осы орталықтың бірегей жобаларының қатарында – «Ерлердің ұзақ өмір сүруі» бастамасы бар.

Бұл жоба 2023 жылдың мамыр айында Ақтөбе облысында алғаш рет іске қосылды. Идеяны жүзеге асыруға клиниканың бас дәрігері тікелей қолдау білдірді.

Жобаны бастамас бұрын, Ақтөбе қаласындағы ерлердің денсаулығына байланысты соңғы 5 жылдағы статистика жан-жақты талданды. Бұл мәліметтер ер азаматтардың денсаулығына қатысты мәселелерді нақты анықтауға мүмкіндік берді.

🔹 Жобаның мақсаты — ерлердің денсаулық жағдайын жақсарту, аурулардың алдын алу, салауатты өмір салтын қалыптастыру және өмір сүру ұзақтығын арттыру.Бүгінде жобаның алғашқы нәтижелері көріне бастады. Көптеген ер азаматтар өз денсаулығына бей-жай қарамай, тексеруден өтіп, пайдалы ақпарат алып жатыр.

📌 Бұл жоба ерлер арасында профилактикалық мәдениетті қалыптастыруға, сондай-ақ медициналық қызметке сенімділікті арттыруға бағытталған маңызды қадам.

📍 Отбасылық медицина клиникасы | Субботник "Таза Қазақстан"

Клиника ұжымы республикалық «Таза Қазақстан» экологиялық акциясы аясында сенбілік өткізді 🌿🧹

🔹 Бірлескен күшпен аумақты тазалап, ағаштар мен гүлдерді ретке келтірдік

🔹 Қоршаған ортаға жанашырлық – әрқайсымыздың жауапкершілігіміз

✨ Таза аула – таза ой, таза қоғам!

#ТазаҚазақстан #Сенбілік2025 #ОтбасылықМедицинаКлиникасы #Экология #Ақтөбе

        Отбасылық медицина клиникасында "Сүт безі обырының алдын алу" жобасы аясында келесі бағыттар бойынша жұмыс жүргізіледі:

🔹 Әйелдерге сүт безі обыры туралы ақпарат беру;

🔹 Жыл сайын профилактикалық тексеруден өту маңыздылығын түсіндіру;

🔹 Сүт безін өз бетінше тексеру тәсілдерін үйрету;

🔹 Маммографияға жолдама беру және бақылау;

🔹 Қауіп тобындағы әйелдермен жеке кеңес өткізу;

🔹 Салауатты өмір салты мен дұрыс тамақтану бойынша кеңес беру.

📌 Мақсат – сүт безі обырын ерте кезеңде анықтау арқылы әйелдер денсаулығын сақтау және ауру көрсеткішін азайту.

📣 Барлық әйелдерді уақтылы тексеруден өтуге шақырамыз!

   Ақпараттық-түсіндіру іс-шарасы

«Дүние» колледжі, АКНИГ және Еуропалық бизнес, экономика және құқық колледждерінің студенттері мен ата-аналары арасында отбасылық құндылықтарды насихаттау және ерте жүктіліктің алдын алу мақсатында түсіндіру жұмыстары жүргізілді.

🔹 Іс-шараға гинеколог Үмбетова С.Р. қатысып, келесі тақырыптарда ақпарат берді:

– Репродуктивті денсаулықтың маңызы

– Ерте жүктіліктің алдын алу шаралары

– Ата-ана мен баланың ашық диалогы

– Жауапкершілікпен қарым-қатынас орнатудың жолдары

✨ Кездесу жастарға қажетті білім беріп, саналы шешім қабылдауға ықпал етті.

   13 қазан күні «Рика ТВ» телеарнасында «Из первых рук» бағдарламасында Ақтөбе облыстық АИТВ-инфекциясының алдын алу және оған қарсы күрес орталығы басшысының орынбасары Анна Каспировамен және отбасылық медицина клиникасының жастар денсаулық орталығының дәрігеріаяжан Дусиповамен сұхбат шықты.

Эфирде мамандар өздерінің АИТВ-статусын білудің маңыздылығы, тегін тестілеуден қайда өтуге болатындығы,сондай-ақ АИТВ орталығы мен жастар денсаулық орталығының бірлескен жұмысы туралы айтып берді.

Аяжан Дусипова ЖДО қызметіне егжей-тегжейлі тоқталды: мамандар жастармен қалай жұмыс істейді,профилактикалық әңгімелер,репродуктивті денсаулық және АИТВ-ның алдын алу мәселелері бойынша оқыту тренингтері мен консультациялар өткізді.

Денсаулық снадан басталады,тексеру дегеніміз-өзіңізге және жақындарыңызға қамқорлық жасау!

   ОТБАСЫЛЫҚ МЕДИЦИНА КЛИНИКАСЫ - ҮЗДІК ТӘЖІРИБЕ ОРТАЛЫҒЫ

15 қазан күні Марат Оспанов атындағы Батыс Қазақстан медицина университетінің Отбасылық медицина клиникасына ҚР Денсаулық сақтау министрі Ақмарал Әлназарова келіп, мекеменің жұмысымен танысқан еді. Министр клиника ұжымының бастамалары мен жобаларын жоғары бағалап, өңірде алғашқы медициналық-санитариялық көмекті жетілдірудегі үлесін атап өткен болатын.

1997 жылдан бері қызмет етіп келе жатқан бұл клиника — Ақтөбедегі «Отбасылық дәрігер» қағидаты бойынша жұмыс істейтін бірегей орталық.

2024 жылдың сәуір айынан бастап клиникаға «Үздік тәжірибе орталығы» мәртебесі берілген.

Мұнда медициналық қана емес, әлеуметтік және психологиялық көмек те кешенді түрде көрсетіледі.

Клиника құрамында:

- «Самғау» жастар денсаулық орталығы – 10–29 жас аралығындағы жастарға сенімді, қолжетімді көмек көрсетеді;

- «Тәуелсіз мейірбикелік практика» жобасы – тәжірибелі мейірбикелердің дербес қабылдау жүргізу жүйесін енгізді;

- «Тұрғындарға әлеуметтік-психологиялық көмек көрсету және алдын алу» жобасы – әлеуметтік осал отбасылармен, балалармен және студенттермен белсенді жұмыс жүргізеді.

Бүгінде клиника – жаңа идеялар мен инновациялардың алаңы. Мұнда отбасылық дәрігерлер мен резиденттер тәжірибе жинақтап, ғылыми жобаларды практикамен ұштастырады.

🩺 Б. Түлкібаева басқаратын ұжымның басты мақсаты – халыққа сапалы және жан-жақты медициналық көмек көрсету.