🧠 Ата-аналардың күйзелісін азайту балалардағы семіздік қаупін төмендетеді

Йель университетінің жаңа зерттеуі көрсеткендей, ата-аналардың күйзелісін азайту тікелей кішкентай балалардың денсаулығына әсер етеді.

🧑‍🧑‍🧒‍🧒 Зерттеуге 2-5 жас аралығындағы балаларды тәрбиелейтін, артық салмағы немесе семіздігі бар 114 түрлі этникалық және әлеуметтік-экономикалық топтағы ата-аналар қатысты. Ата-аналар екі топқа бөлінді:

1️⃣ PMH (Parenting Mindfully for Health) - ата-аналық сана-сезімді дамыту, өзін-өзі реттеу дағдыларын қалыптастыру + дұрыс тамақтану және физикалық белсенділік бойынша ұсыныстар.

2️⃣ Бақылау тобы - тек тамақтану мен белсенділік бойынша кеңестер алған.

Зерттеу 12 аптаға созылып, ата-аналардың күйзеліс деңгейі, тәрбие стилі және балалардың салмағы бақыланды.

💡 Нәтижелері:

- PMH тобының ата-аналары күйзелісті аз сезінді, тәрбие әдістері жақсарды.

- Осы ата-аналардың балалары аз зиянды тамақ тұтынды және салмақ қоспады.

- Бақылау тобындағы балалар жиі артық салмақ жинады, семіздік қауіпі 6 есе жоғары болады.

🌍 Дүниежүзілік денсаулық сақтау ұйымының мәліметі бойынша, балалар арасындағы семіздік әлем бойынша өсіп келеді.

Қорытынды: Отбасыдағы ата-аналарға қамқорлық жасау және күйзелісті басқару - балалардағы семіздіктің алдын алудың маңызды бөлігі.