«Диета сақтаудың маңыздылығы. Салауатты тамақтану» дөңгелек үстел өткізілді.
2025 жылдың 22 тамыз - күні Отбасылық медицина клиникасында салауатты өмір салтын қалыптастыру кабинетінің медбикесі Тулебаева Б. Б. қатысуымен «Диета сақтаудың маңыздылығы. Салауатты тамақтану» дөңгелек үстел өткізілді. Басты мақсаты: пациенттер арасында дұрыс әрі теңгерімді тамақтану дағдыларын қалыптастыру, денсаулықты сақтау және созылмалы аурулардың алдын алу мақсатында диета сақтаудың маңыздылығы туралы ақпарат беру.
Сонымен қатар психолог маманы Акжигитова Т. Б. қатысуымен пациенттермен «Кешіру» тақырыбында психологиялық тренинг өткізілді. Тренингтің мақсаты – жағымсыз эмоциялық күйлерді жеңілдету, эмоционалдық шиеленісті төмендету және ішкі үйлесімділікті қалыптастыру.
«Дүниежүзілік табиғи емізуді қолдау апталығы» аясында босануға дайындық мектебінде кезекті семинарлық сабақ өтті
6 тамызда «Дүниежүзілік табиғи емізуді қолдау апталығы» аясында босануға дайындық мектебінде кезекті семинарлық сабақ өтті.
Боьашақ аналарға арналаған мектепте келесі тақырыптар қарастырылады
– Тамақтану пирамидасына сай дұрыс әрі теңгерімді тамақтану
– Жүктілік кезінде өз-өзіне күтім жасау
– Босану кезеңдері туралы толық ақпарат
– Тыныс алу техникасы
– Босану кезіндегі ауырсынуды жеңілдету әдістері
– Босанғаннан кейінгі жаңа туған нәрестелерге жасалатын екпелер туралы мәлімет
Сабақтарды акушер-гинеколог
Умбетова Салима Рахымқызы жүргізеді.
Жұмыс тәжірибесі – 5 жыл.
«Босануға дайындық және 4*3*4 техникасымен балаға емізуді күтім жасауды үйрету» тақырыбында іс-шара өткізілді
2025 жылғы 6 тамызда әмбебап патронаждық медбикелердің ұйымдастыруымен «Босануға дайындық және 4*3*4 техникасымен балаға емізуді күтім жасауды үйрету» тақырыбында іс-шара өткізілді. Шараға әр аймақтан келген жүкті әйелдер қатысты.Іс-шараны Отбасылық медицина клиникасының супервизоры Кемербаева Рысжан Жолдасбекқызы (еңбек өтілі – 1 жыл) жүргізді.
Іс-шараның басты мақсаты – болашақ аналарды босануға жан-жақты дайындау және нәрестеге тиімді күтім жасау жолдарын үйрету.
Сәбидің дені сау, жарқын болашағы – баршамыз үшін маңызды!
Аталған шара дүниежүзілік емшекпен қоректендіру апталығын қолдау аясында ұйымдастырылды.
Омыртқа ауруларының алдын алу
2025 жылдың шілде айының 31 «Омыртқанын аурулары және олардың алдын алу. Омыртқаның құрылымы. Қалып. Жедел арқа» атты Отбасылық медицина клиникасында Туғанова Ш. С. – невропатолог дәрігері және психолог маманы Акжигитова Т. Б. іс-шара өткізді.
Семинарға қатысушылар белсенділік танытты. Омыртқа ауруларының алдын алу бойынша пайдалы кеңестер берілді. Қатысушыларға үй жағдайында жасауға болатын жаттығулар көрсетілді. Семинар ағартушылық және тәжірибелік тұрғыда тиімді өтті.
Дүниежүзілік вирустық гепатитпен күрес күніне орай «Уақыт күтпейді!» ащық есік күні
2025 жылдың шілде айының 19-28 аралығында Дүниежүзілік вирустық гепатитпен күрес күніне орай «Уақыт күтпейді!» атты ұранымен Отбасылық медицина клиникасында іс-шаралар өткізілді. Іс-шаралар шеңберінде Ашық есік күндері, интерактивтік ашық ойындар, сабақтар, шаттық дәрістер, кеңестер, тренингтер сияқты кең ауқымды іс-шаралар ұйымдастырылды.
"Меланома" тері қатерлі ісік туралы ашық есік күні өткізілді
2025 жылдың 29 шілде - күні Отбасылық медицина клиникасында тері қатерлі ісіктерінің (меланома) алдын алу және ерте диагностикалауға арналған «Ашық есік күні» өткізілді. Ашық есік күні асында онколог дәрігер Э. З. Тилегенова меланома және тері қатерлі ісігін анықтау мақсатында қабылдау және кеңс өткізді. Сонымен қатар ақпараттандыру мақсатында дәріс оқып, тері қатерлі ісіктерінің дамуына әкелетін факторлармен себептерін түсіндірді.
Меланома ерекше және алуан түрлі, кейде оны көзбен көру мүмкін емес. Енді, жаздың және ыстық куннің қарсаңында, бұл туралы ойланатын уақыт келді. Өйткені, көбінесе аурудың себебі – күйген тері. Терідегі массаның визуалды өсуі, шаншу, ауырсыну пайда болған кезде шұғыл түрде медициналық мекемеге бару керек.
Егер сізде:
- Теріде дақ, түйін немесе жылтыр тақта пайда болса;
- Дақ немесе Мең өсіп, пішінін өзгерте бастаса;
- Дақ немесе Мең түсін өзгерте бастаса;
- Тегіс емес жиектері бар болса;
- Мең орнында қышу мен қабыршақтану пайда болса;
- Қанаса және дымқыл болып суланса онда
Сізге онкологтан кеңес алу керек!
Жастар арасындағы АИТВ/ЖИТС-тің алдын алу» тақырыбы
Эпидемиолог-дәрігер Есекенов Д.К. отбасылық медицина клиникасында студенттер мен пациенттерге арналған «Жастар арасындағы АИТВ/ЖИТС-тің алдын алу» тақырыбында түсіндіру жұмысын жүргізді.
Іс-шара барысында АИТВ инфекциясының жұғу жолдары, алдын алу шаралары, ерте анықтаудың маңыздылығы және салауатты өмір салтын ұстанудың қажеттілігі туралы кең көлемде ақпарат берілді. Жастардың өз денсаулығына жауапкершілікпен қарауын қалыптастыруға ерекше назар аударылды.
Біздің емханада үшем дүниеге келді!
Біздің емханада үшем дүниеге келді!
Біздің емханаға 9 қарасты учаскеде қуанышты жағдай орын алды – үшем сәбилер дүниеге келді! Анасы мен нәрестелердің жағдайы жақсы. Жақында сәбилер 1 айлық мерзімде жоспарлы медициналық тексеруден өтті.
Үшем сәбилер жасына сай дамып келеді және учаскелік дәрігердің Нечитайло И.А. тұрақты бақылауында. Емхана ұжымы отбасын осындай қуанышты сәтпен құттықтап, зор денсаулық, күш-қуат және бақыт тілейді!
Тырысқақ бойынша оқыту семинары
Отбасылық медицина клиникасында тырысқақ бойынша оқыту семинары өтті
Отбасылық медицина клиникасының эпидемиолог дәрігері Есекенов Дамир Қайратұлы клиника медициналық қызметкерлері үшін
«Тырысқақ: эпидемиологиялық ахуал, алдын алу шаралары және жағдай анықталған кездегі әрекет алгоритмі» тақырыбында оқыту семинарын өткізді.
Семинар барысында келесі мәселелер кеңінен қарастырылды:
• әлемдегі және аймақтағы тырысқаққа байланысты эпидемиологиялық жағдай;
• аурудың негізгі таралу жолдары мен клиникалық көріністері;
• тырысқақтың таралуының алдын алуға бағытталған профилактикалық шаралар;
• тырысқаққа күдік туған жағдайда медицина қызметкерлерінің әрекет ету алгоритмі.
Семинардың мақсаты – медициналық қызметкерлердің жұқпалы ауруларға байланысты туындауы мүмкін қауіп-қатерлерге дайындық деңгейін арттыру және санитарлық-эпидемиологиялық қауіпсіздік шараларын күшейту.
Жастар орталығы бойынша инфекциялық аурулардың алдын ал
🛡️ Инфекциялық аурулардың алдын алу: негізгі ұсыныстар
Отбасылық медицина клиникасының Жастар орталығының дәрігері Мамедова Джамиля Кардашхановна ұсынады:
Инфекция жұқтыру қаупін барынша азайту үшін келесі ережелерді сақтау ұсынылады:
- Жеке бас гигиенасын сақтаңыз
Қолдарыңызды сабындап жиі жуыңыз — әсіресе тамақ ішер алдында, дәретханадан кейін, тағам дайындамас бұрын. - 🍎 Көкөністер мен жемістерді мұқият жуыңыз
Оларды сенімді сападағы сумен жуыңыз. - 🏊 Арнайы рұқсат етілген жерлерде ғана шомылыңыз
Ашық су айдындарында шомылғанда ауызға судың түсуінен сақ болыңыз. - 🚫 Балаларды қауіпті суға түсуінен сақтаңыз
Фонтан мен ортақ үрмелі бассейндерде шомылуға жол бермеңіз. - 💧 Қауіпсіз суды ішіңіз
Қайнатылған немесе бөтелкедегі суды қолданған жөн. - Балалардың ойыншықтарын тазалап тұрыңыз
Оларды жуу құралдарын пайдаланып, күніне кемінде бір рет жуыңыз. - Ауырған баланы ұжымға жібермеңіз
Аурудың алғашқы белгілері байқалғанда дәрігерге жүгініңіз. Өзін‑өзі емдеумен айналыспаңыз!
✅ Осы қарапайым ережелерді сақтау — өзіңіздің және балаңыздың денсаулығын сақтаудың маңызды қадамы.
Сүзгі кабинеті
Сүзгі кабинеті — клиникадағы жұқпалы ауру белгілері бар пациенттерді бастапқы тексеруден өткізетін арнайы орын. Оның мақсаты — инфекциясы бар адамдарды ерте анықтап, оқшаулау арқылы басқа пациенттерге таралуын болдырмау.
Медбике пациенттің температурасын, сатурациясын, қан қысымын өлшеп, шағымдарын тыңдап, жалпы жағдайын бағалайды. Қажет болса, анализ алып, дәрігерге немесе шұғыл көмекке бағыттайды.
Сондай-ақ, медициналық құжаттармен жұмыс жүргізіп, электронды жүйеге мәліметтер енгізеді. Санитарлық талаптардың сақталуын қадағалап, пациенттерге алдын алу шаралары мен дұрыс күтім жасау тәсілдерін түсіндіреді (мысалы, Регидрон ерітіндісін дайындау мен қолдану жолы).
Сүзгі кабинетінің жұмысы — клиникадағы эпидемиологиялық қауіпсіздікті қамтамасыз етудің маңызды бөлігі.
Диабеттер мектебі
2025 жылғы 11 шілдеде Отбасылық медицина клиникасында 1 типті қант диабетімен тіркеуде тұрған науқастарға арналған «Қант диабеті мектебі» өткізілді.Іс-шараны эндокринолог-дәрігер Қалжанова М.Ж. ұйымдастырып, жүргізді.
Іс-шараның мақсаты:
Науқастарға ауруды басқаруға көмектесу, өмір сапасын арттыру және асқынулардың алдын алу. Ең басты назар — науқастың өз денсаулығын бақылау дағдыларын қалыптастыру.
Негізгі тақырыптар мен бағыттар:
Көмірсулар мен нан бірліктерін есептеу:
Қатысушыларға тағам өнімдеріндегі көмірсуларды дұрыс есептеу жолдары түсіндірілді.
Тағамдық құндылық кестелері мен нан бірліктерін (НБ) есептеу мысалдары көрсетілді.
Практикалық бөлімде нақты тағамдар арқылы есептеулер жүргізілді.
Қант диабеті кезіндегі дене белсенділігі:
Қан құрамындағы қант деңгейін тұрақты ұстауда дене белсенділігінің маңызы түсіндірілді.
Қауіпсіз жаттығу түрлері мен режимдері бойынша кеңестер берілді.
Физикалық белсенділіктің инсулинге сезімталдыққа қалай әсер ететіні айтылды.
Қандағы қант деңгейін өздігінен бақылау:
Қан құрамындағы қантты бақылаудың заманауи әдістері (глюкометр, үздіксіз бақылау жүйелері) қарастырылды.
Өлшеу жиілігі мен ережелері, бақылау күнделігін жүргізу талқыланды.
Инсулинді дұрыс енгізу техникасы:
Инъекция жасайтын орынды дұрыс таңдау, енгізу тереңдігі мен бұрышы туралы еске салынды.
Жиі кездесетін қателіктер айтылып, арнайы модельдер арқылы практикалық көрсетілім жасалды.
Липодистрофияның алдын алу:
Инъекция орнын үнемі ауыстырып отырудың маңыздылығы атап өтілді.
Инсулинді дұрыс енгізбеудің салдары — липогипертрофия мен липоатрофия туралы түсіндірілді.
Жеке сұрақтар мен мәселелерді талқылау:
Қатысушылар өз сұрақтарын қойып, қиындықтары мен тәжірибелерімен бөлісті.
Гипогликемия, гипергликемия, тамақтану режимінің бұзылуы, психологиялық мәселелер сынды нақты өмірлік жағдайлар талқыланды.
Қорытынды:
Науқастар пайдалы білім, практикалық дағдылар және өз денсаулығына жауапкершілікпен қарауға мотивация алды.
Іс-шара жылы әрі қолдаушы атмосферада өтіп, барлық қатысушылардың белсенділігіне сеп болды.
«Балалық шақтағы ауруларды ықпалдастыра емдеу» тақырыбында оқыту сабағы
2025 жылдың маусым - шілде айларында Отбасылық медицина клиникасында Марат Оспанов атындағы медицина университетінің оқытушыларының Иммунолог Маржан Корешокованың және Ляззат Мамбетжановна қатысуымен «Балалық шақтағы ауруларды ықпалдастыра емдеу» тақырыбында оқыту сабағы өткізілді.
Сабақ барысында бала денсаулығын сақтау жолдары, дәрі-дәрмектерді дұрыс қолдану, аурудың алдын алу тәсілдері және баланы дұрыс тәрбиелеу мен күтіп-баптау бойынша маңызды мәліметтер берілді. Қатысушылар балаларға сапалы күтім көрсету мен оларды дұрыс өсіру туралы құнды ақпараттар алды.
Баланы дамыту - әр отбасының маңызды мақсаты!
Отбасылық медицина клиникамызда Баланы дамыту кабинеті аясында аналармен түсіндіру және алдын алу жұмыстары жүргізілуде.
Мақсат- баланың физиологиялық және психомоторлық көрсеткіштерін уақытылы анықтау.
Іс-шара барысында аналар өз пікірлерін айтып,пайдалы ұсыныстарын ортаға салды. Баланың дені сау болсын десек - бірге әрекет етейік!
Негізгі мақсат — Үздік тәжірибелер орталығын құру
Отбасылық медицинаның университеттік клиникасы халыққа МСАК көрсетудің негізгі бөлігі ғана емес, сонымен қатар студенттерді, интерндерді, резиденттерді даярлауға арналған оқу базасы болып табылады.
Кәсіби дайындық жалғасуда...
Мамандар тобының жұмысына жаңашылдық енгізуде және отбасылық медицина клиникасы базасында озық тәжірибе орталығын құруда «Алғашқы медициналық-санитарлық көмек» ұлттық қауымдастығының мамандары үлкен әдістемелік және тәжірибелік көмек көрсетуде.
3 күн бойы 2023 жылдың 31-ші мамырынан бастап «РНС» Ұлттық қауымдастығының тренер-сарапшылары университеттің медбикелерін, бөлім қызметкерлерін, әлеуметтік қызметкерлерді, психологтарды, экономистерді оқыту бойынша семинарлар өткізеді.
Call-center
Пациенттер мен қызметкерлер үшін қолайлы инфрақұрылым құру мақсатында отбасылық медицина клиникасында Call-center ашылды.
Байланыс орталығы - бұл қазіргі өмір салтына тығыз енген бағыт, бұл пациенттермен үздіксіз кері байланыс.
Бас дәрігер
Тулкибаева Бакытжан Мажитовна
Медициналық сауалнама
