⚡️ Қазақстанда энергетикалық сусындардың сатылымы 5 жыл ішінде шамамен 3 есе өсті

Энергетикалық сусындар алкогольсіз өнімдер нарығындағы ең жылдам өсіп келе жатқан сегменттердің бірі болып қала береді. Егер 2017 жылы Қазақстандағы сатылым көлемі 61,7 мың тоннаны құраса, 2022 жылы бұл көрсеткіш 184 мың тоннаға жетті (Euromonitor International, 2022). Бұл көрсеткіштер өсуді жалғастыруда, оған елдегі жастарға бағытталған белсенді жарнаманың да әсері бар.

Осы уақыт аралығында энергетикалық сусындар жасөспірімдер мен жастар арасында сергектік алудың ең танымал тәсілдерінің біріне айналды. Олар емтихан алдында, түнгі жұмыс кезінде, жаттығулар алдында немесе ұйқы қанбаған кезде жиі тұтынылады.

Алайда энергетикалық сусыннан кейінгі сергектік сезімі ағзаның қосымша энергия алғанын білдірмейді. Керісінше, зерттеулер энергетикалық сусындарды тұрақты тұтыну келесі жағдайлармен қатар жүруі мүмкін екенін көрсетеді:

🔴 артериялық қысымның жоғарылауымен

🔴 жүрек соғу жиілігінің жиілеуімен

🔴 ұйқының бұзылуымен

🔴 мазасыздықтың күшеюімен.

Энергетикалық сусындарды алкогольмен, қарқынды дене жүктемелерімен және созылмалы ұйқы тапшылығымен қатар қолдану ерекше қауіпті болып саналады.

⚠️ Ғылыми зерттеулердің деректеріне сәйкес, энергетикалық сусындарды тұрақты тұтыну кофеинге физикалық және психологиялық тәуелділіктің қалыптасуымен қатар жүруі мүмкін. Энергетикалық сусындарды тұтынуды тоқтатқан кезде бас ауруы, қатты шаршау және ашушаңдық сияқты қайтару нышанатының белгілері байқалуы мүмкін.

Аурулардың халықаралық жіктемесінің 10-қайта қаралымына (АХЖ-10) сәйкес, кофеинге тәуелділік стимуляторларды қолданумен байланысты психикалық және мінез-құлықтық бұзылыстарға жатады. Жасөспірімдер мен жастар ең жоғары қауіп тобына жатады.

❌ 2025 жылғы қаңтардан бастап Қазақстанда 21 жасқа толмаған адамдарға энергетикалық сусындарды сатуға тыйым салынған. 21 жасқа толмаған адамдарға энергетикалық сусындарды сатқан жағдайда 30 АЕК-тен 200 АЕК-ке дейін айыппұл қарастырылған.

💡 Энергетикалық сусындар ұйқыны, демалысты және толыққанды тамақтануды алмастырмайды, керісінше денсаулыққа кері әсер етуі мүмкін.