Отбасылық медицина клиникасында «Самғау» жастар денсаулық орталығы жұмыс істейді. Мұнда ЖДО дәрігері Жармағамбетова Д.А. қабылдау жүргізеді.

Жастар денсаулық орталығы – жастарға арналған арнайы кеңістік. Мұнда әрбір жас өз денсаулығын сақтау және нығайту мәселелері бойынша білікті көмек, қолдау және сенімді ақпарат ала алады.

Біздің орталықта 10 жастан 29 жасқа дейінгі балалар мен жастар қабылданады.

Орталық қызметтері тегін, ерікті түрде және құпиялылық қағидаттарын сақтай отырып көрсетіледі. Мұнда жалпы тәжірибелік дәрігер, гинеколог, уролог, психолог және дерматовенеролог мамандары қызмет көрсетеді. Олар физикалық, репродуктивтік және психологиялық денсаулық мәселелері бойынша кеңес береді.

Жастар денсаулық орталығында салауатты өмір салты, аурулардың алдын алу, репродуктивтік денсаулық, отбасын жоспарлау, жыныстық жолмен берілетін инфекциялардың профилактикасы бойынша кеңес алуға болады. Сонымен қатар, психолог маман күйзеліс, мазасыздық, қарым-қатынас және тұлғалық даму мәселелері бойынша көмек.