Дүниежүзілік денсаулық апталығына орай «Өмірге қауіпті төтенше жағдайлардағы шаралар және өзіне-өзі көмек пен өзара көмек көрсету», «Салауатты өмір салтын ұстану» тақырыптарында лекциялар мен тренингтер ұйымдастырылды. Іс-шараға арнайы Обаға қарсы станцияның бактериолог маманы Мукаева Әсия Болатовна және Отбасылық медицина клиникасының «Самғау» жастар денсаулық орталығының мамандары шақыртылды. Олардың ішінде дәрігер Жармағамбетова Динара Асқарқызы, психолог Ауғалиева Эльмира Қаллиулиевна, салауатты өмір салтын қалыптастыру медбикесі Төлебаева Ботагөз Бірімжанқызы және студенттік емхананың аға медбикесі Шылмағамбетова Шыналтын Көптілеуқызының қатысуымен университет студенттері пайдалы әрі ашық форматта кездесті. Кездесу барысында денсаулықты сақтау, дұрыс өмір салтын ұстану, психологиялық тұрақтылық және күнделікті пайдалы әдеттер жайлы маңызды ақпараттар айтылды. Студенттер белсенді қатысып, қызықты ойындар ойнап, өз ойларымен бөлісіп, жаңа мотивация алды. Салауатты өмір салты — бұл таңдау ғана емес, бұл болашаққа жасалған қадам.